朱古力雪芳蛋糕

朱古力雪芳蛋糕

文章日期：01/21/2007 12:28 am
2007年1月19日  星期五

剛剛去完韓國旅行返來，冇整蛋糕一段時間，又忍唔住要整蛋糕喇!!!

今日係街市見到d士多啤梨超平! 又大粒! 都係賣$5!!!!!!!!!!!!!!! 唔買真係對唔住自己! 買來裝飾o下個蛋糕都好嘛! hehehe...
今日就係整左呢個朱古力雪芳蛋糕喇!!


~食譜是跟了為食貓做的 >>

http://www.leisure-cat.com/frm_1377.htm
~製作技巧就跟了blog友蔡師奶的做 >>  http://hk.myblog.yahoo.com/choi_cookery/article?mid=1091&prev=-1&next=1057
嘩哈哈! 好開心呀!!!! 好成功! 呢款蛋糕我係第一次成功做到的! 因為我整呢d要打蛋白o既蛋糕成日都會失敗的! 次次都係衰係最後加入麵粉o個部份! 每次我到拌入麵粉時，都成日將d蛋白o既氣泡弄破，最後搞到o個蛋糕發唔起..... 我都知道要用fold呢一招來拌入麵粉，但唔知點解成日都失敗!

yeah! 呢個蛋糕真係好軟熟! 好好味....

出爐後要立即反轉待涼.....

待完全涼後，脫模，灑上糖霜、加上士多啤梨裝飾.... 靚晒!


嘆返件先!


就係呢盒士多啤梨喇! $5一大盒! 超抵! 都幾好味!!

益力多慕絲蛋糕

益力多慕絲蛋糕

文章日期：01/23/2007 09:32 pm
2007年1月22日  星期一

依家d士多啤梨超平! 所以又買了2盒! 有咁多士多啤梨真係好! 哈! 可以用來裝飾個蛋糕喇!! 平時成幾十蚊買盒士多啤梨，依家$5盒真係抵! 哈哈...有咁多士多啤梨用來裝飾蛋糕真係爽! 唔洗就住就住來用! 哈! 有士多啤梨裝飾過都唔同d!

有咁多士多啤梨...唔做蛋糕都唔得啦!! 所以今日一定要整蛋糕!!!

之前係出面食過益力多慕絲蛋糕後，一直都好想自己整來食，但搵唔到個食譜....

 哈哈! 但我依家終於搵到喇! 原來為食貓o個度有呢個食譜!
益力多西米毛士蛋糕-- http://www.leisure-cat.com/frm_1381.htm (不過，我加西米!)
原來做法超簡單! 正! 所以就做了這個蛋糕喇!! 哈! 仲用了新買回來的四方形慕絲模來做添! 哈! 做出來好似一大磚豆腐!

依個蛋糕拿了返公司請office同事吃....


同晚，整完個益力多慕絲蛋糕後，又整了這個藍梅芝士凍餅... 因為上次聖誕聯歡會support team有好多同事食唔到，再加上佢地平時咁鍚我...(hehehe...) ，而且佢地又好賞面食我d野...所以我就特意做了這個蛋糕送給support team的o姐o姐吃!


唔知點解，覺得呢個蛋糕裝飾得好鬼"娘"! 好核突..... 唔知係咪條圍邊膠帶o既公仔老土o既問題....


後記﹕
我俾我阿妹睇呢張相，我問佢o個蛋糕係咪好"娘"? 佢話好似d cheap cheap麵包店賣的蛋糕! 嘩哈哈哈....佢仲話中間o個粒士多啤梨似個桃!
哈哈哈...我就話個蛋糕似d蓮花座多d! 哈哈哈哈....真係"娘”到爆!

賀年曲奇 (附有食譜)

賀年曲奇 (附有食譜)

文章日期：03/12/2007 12:02 am

新年，表妹來了我家住了二天，說要跟我整餅! 哈哈!!

同她一起做了些曲奇....哈! 本來只打算做曲奇，沒有想過做成賀年的樣子! 但是表妹有很多意見，最後成了這些賀年曲奇!! 哈哈! 仲以為同她一起做餅只會越幫越忙，估不到她很幫得手!

食譜 (改編自<作餅乾真簡單>一書)

材料﹕

細砂糖........95g
牛油...........90g
蛋..............1隻(50g)
低筋麵粉.....160g
高筋麵粉.....40g
可可粉........1大匙
巧克力(裝飾擠字用)......約50g/適量

做法﹕

1. 牛油軟化後，加入細砂糖打至鬆發變白。

2. 蛋打散成蛋液，分2-3次加入1.中拌勻，再篩入低筋麵粉、高筋麵粉攪拌均勻即為麵糰。

3. 取1/2的麵糰與可可粉拌勻後，先用手壓平，再用麵棍碌成約0.5cm厚，待用。

4. 其餘的麵糰同樣地先用手壓平，再用麵棍碌成約0.5cm厚。

5. 於4.的牛油味麵糰先壓出圓形麵糰，再於圓形麵糰上壓走心形/花形...

6. 於3.的可可味麵糰壓出心形/花形...，並放於5.的牛油味麵糰上的空缺位內。

7. 放入焗爐以180度焗約15-20分鐘，取出待涼。

8. 將裝飾用的朱古力隔熱水融化，裝入小擠花袋中，在餅乾上擠出字形即成。

益力多慕絲蛋糕-年年有魚賀年版

益力多慕絲蛋糕-年年有魚賀年版

文章日期：03/16/2007 08:43 pm

2007年2月

表妹來了我家，一同做了這個名為「年年有魚、盤滿缽滿」的益力多慕絲蛋糕!  
但失敗在份量預得太少，搞到成個餅好篇.....

哈! 用了用來蒸年糕的魚仔模來做，很有新年氣氛啊!

表妹幫手壓碎消化餅，做餅底.....

整得好開心....!! 哈哈...


你睇佢製作幾認真！哈哈...

綠茶紅豆草餅

綠茶紅豆草餅

文章日期：04/07/2007 10:16 pm

2007年2月
前一排，公司牽起了整草餅熱潮!! 事由係一個同事整左一d好好味o既草餅請我地食，個個食完之後都話要學整! 哈哈... 但有好多人都失敗! 因為同事提供的食譜中，糯米粉是"兩碗"的...
但我地照住個食譜，用"兩碗"糯米粉來做...點知做出來的皮好稀，超軟身，但沒有煙'un'感! 都唔知佢屋企個碗有幾大! 因為冇理由落咁少糯米粉的!
這些草餅是我同表妹一起做的! 

1. 先用一罐大椰漿+2碗糯米粉+半碗砂糖+2湯匙綠茶粉拌勻.....如太稀，可多加一些糯米粉(我加多了大半碗)，拌至一滴滴好慢咁滴下來就ok!

2. 將1.用大火蒸20-30分鐘

3.街市買返來o既紅豆沙蓉(約半斤)最好先用大火蒸15分鐘殺殺菌，唔蒸都得! 但蒸左衛生d! 用保鮮紙包成一粒粒...

4. 帶膠手套將3.的紅豆沙饀包入綠茶皮後，表面再沾上白鍋炒過的糯米粉即成! 

香橙乳酪蛋糕

香橙乳酪蛋糕

文章日期：04/14/2007 12:28 am

2007年2月
跟"為食貓" >>http://www.leisure-cat.com/frm_1394.htm 的食譜做了這個香橙乳酪蛋糕....

餅面裝飾是媽媽幫我設計的! 哈哈! 好似太陽花! 

杏仁曲奇餅 (附有食譜)

杏仁曲奇餅 (附有食譜)

文章日期：04/16/2007 08:03 pm

2007年3月26日
媽咪睇電視見到人地介紹曲奇餅，睇到佢口水都流埋，所以佢就叫左我整曲奇! 咁我就做了這款杏仁曲奇餅喇! 
1. 搓好的麵糰搓成長條形，保鮮紙包好後放入雪櫃雪至硬身。

2. 雪硬後，切開一片片。

3. 好喇! 準備入爐喇.....!


4. 製成品!! 


食譜
材料﹕
牛油   150g
細砂糖  120g
蛋  1隻(45g)
低筋麵粉  300g
杏仁粒   80g
作法﹕
1. 牛油軟化，加油砂糖打至鬆發變白。

2. 蛋打散成蛋液後，加入作法1.拌勻，再將低麵粉篩入攪均勻。

3. 杏仁粒泡水*再瀝乾後，加入作法2.中拌勻後，整個麵糰整形成長條狀，再用保鮮紙包好，放入冰箱冷凍約1小時至硬身，取出切片，約切成30份。

4. 放入焗爐，以180度焗約20分鐘即可。
*杏仁粒如果沒有泡水，會比較硬身，切片時容易整粒掉落。

食譜出自﹕<作餅乾真簡單>