果醬朱古力星星餅

果醬朱古力星星餅

文章日期：11/24/2006 01:40 am

2006年11月15日  星期三
由於好同學Bella生日，本想整個蛋糕給她的，但她很好，唔想我辛苦，叫我唔好整咁麻煩...而且帶個蛋糕出街都幾煩....所以特地整了一袋曲奇餅給她吃，希望她喜歡啦!
不過...其實整呢款曲奇都要用好多心機去整...因要整到中間凹落去，我覺得都幾煩...不過整出來都幾靚! 見到都開心! 哈! 所以希望Pizza收到都好開心啦!
其實中間o個d餡，食譜佢係教用白朱古力的，但我用了白朱古力的第一批餅焗完之後居然變左黑朱古力(哈!　因d白朱古力好易燶!) 所以，最後改用了士多啤梨果醬代替.... 效果出來更靚，而且較好味!

以下照片是爸爸幫我影的...袋餅下面o個兩舊木係佢剛回來打算做第二個小提琴的木來的...哈哈! 佢話咁樣擺埋一齊影好靚喎.....!! 發揮互相輝映的效果! 哈哈...

士多啤梨瑞士卷

士多啤梨瑞士卷

文章日期：12/17/2006 09:44 pm

2006年12月8日 星期五
考完試的晚上，已急不及待要整餅!
做了這個士多啤梨瑞士卷! 不過，焗海棉蛋糕時，焗燶了面層...所以唯有起了燶的表面來整...
做出來的瑞士卷都頗甜，可能果醬較甜的關係....下次可塗上cream試試!

焗燶左o既海棉蛋糕....

塗上士多啤梨果醬，並輕輕用刀壓上摺線，方便稍後捲起! 

玉米片小甜餅

玉米片小甜餅

文章日期：12/17/2006 10:10 pm

2006年12月9日  星期六
今日又整餅，做了這個簡單易做的玉米片小甜餅...
是跟一本聲稱是低熱的食譜做的! 味道也不錯，很可口!
晚上，同阿基及他的同事去d工會度食蛇宴，所以包好了一些給他們吃!  哈哈! 食蛇食得好開心! 佢d同事好搞笑!

蛇宴後，雖然很飽...但仍去吃了件New York Cheese Cake....好好味!!

玉米片小甜餅食譜 (全部分量1300kcal)
材料﹕
低筋麵粉    100g
含鹽牛油    50g
砂糖    50g
蛋黃    1個
玉米片   50g
藍莓乾/ 提子乾  3大匙
牛奶  1~2小匙(可以不加)
做法﹕
1.牛油放軟後，加入砂糖混合攪拌到發白時，加入蛋黃再次混合攪拌。
2.篩入麵粉入1.
3.在還有粉狀的狀態下，加入玉米片及提子乾，以橡皮刮刀混合，如太硬可加入牛奶作調整。
4.容器蓋上保鮮紙，放入冰箱冷卻20分鐘左右。
5.把材料用揉成圓形，放於烤盤上，170度焗15分鐘左右。


出爐喇!!!!

教人整薑餅

教人整薑餅

文章日期：12/25/2006 12:04 am

2006年12月12日  星期二
中學同學Bella約了我去佢屋企，幫佢整薑餅...
以下是當日整餅的花絮...




Bella佢畫到佢d薑餅好搞笑! 哈哈!

放工後，由7點幾開始，整到10點幾(包括埋食飯時間)...好累!

又教人整薑餅

又教人整薑餅

文章日期：12/25/2006 12:36 am

2006年12月16日 星期六
今日舊同事Hester約了我去佢屋企教佢整薑餅...哈哈...!! 我突然之間覺得自己好似好勁，被咁多人邀請去整餅....哈哈哈哈.....
一早去了她家，因佢屋企今日做節，所以要上午整餅，下午要讓返個廚房俾伯母煮餸! 伯母佢真係好搞笑!haha...
1點左右開始整，整到3點，都算快! 因為沒有即時畫晒d薑餅...
以下呢幾塊是我畫給Hester的smaple...

德國聖誕麵包Stollen

德國聖誕麵包Stollen

文章日期：12/27/2006 01:33 am
2006年12月19日 星期二

之前係又一城的taste超市見到一舊好似屎o既野，細細舊的都要賣成六十幾蚊，大的更賣至百幾蚊! o個時都唔知咩來! 之後上網睇見一些介紹聖誕食品o既報導，才知道是德國聖誕麵包Stollen!

這款麵包做成這個模樣，據講係為o左「紀念耶穌降生時包在襁褓裏的模樣」!

後來發現有食譜教整，所以今日就整了這個....

我係跟"為食貓"的食譜做的... http://www.leisure-cat.com/frm_1098.htm

同埋今日繼續畫我d薑餅，同佢地裝飾!

好耐都冇拎過呢座野出來打麵糰喇...


等待發酵....


發大了少少的麵糰....


又再等待發酵.....


包裝得靚靚的! 一個帶了返公司請同事吃，一個給了阿基請他的同事吃!
我問阿媽﹕「靚唔靚呀!?」不過佢話﹕「咩來!?!! 成舊屎咁!」
我帶返公司，有個同事話﹕「棋棋你帶左咩來呀!鮑魚呀!?」哈! 好搞笑!

藍梅芝士凍餅

藍梅芝士凍餅

文章日期：12/29/2006 01:47 am

2006年12月21日  星期四
公司今日搞聖誕聯歡會，我整了這個藍梅芝士凍餅! 好開心! 因為一陣間就俾人食晒! 好似好受歡迎....hehe...

我是跟美味DIY的食譜做的>>

http://www.rthk.org.hk/elearning/dessert/cake_bbcheesecake.htm
我仲特登用了一個有成9吋大的餅模來做，但材料份量都沒有增加，諗住個模大d，就可以切多幾件! 哈! 所以最後搞到成個餅都好扁...