又學國畫喇!!

又學國畫喇!!

文章日期：10/28/2008 08:42 pm

依排生活突然過得好充實呀! 因為依家開始，逢星期三學英文! 11月開始，逢星期一上國畫班...

這是我第三次學國畫!

第一次學，係o係工聯會學，當時我仲讀緊書，好年輕! o個時都有上晒成個course，因為唔係自己錢，唔敢走堂!

出左來做野之後，又勾起條根! 又想學國畫! 於是又報了工聯會....

估唔到又係N年前教過我o個個阿叔教! 我覺得麻麻地，因為阿sir示範時，實在太多阿太擁上前排，我根本看不清楚阿sir怎樣調色..............

同咪個阿sir太hardsell，堂堂都有佢d畫賣! 好似$15/幅，叫我地買來跟住畫.....

最後，我都係學左幾堂，跟住......冇學!

(哈哈哈! 歷史不斷重演，就好像我學小提琴一樣!hahahahaha!! 又係貪平報工聯會，但又係學學下冇學!)

今次報了中大校外進修的國畫課程，係人地介紹的! 應該會好d掛....

以下3幅係我N年前自己跟書畫的.....(是跟，不是印呀!)
好難想像...當時我怎會畫得出這樣好的畫!! 哈哈哈哈....

香蕉 + 馬蹄

櫻桃....(小丸子! 哈哈!)


西瓜...

以下兩幅是N年前在工聯會學的.....

洋紫荊....

菊花...(依幅右上角d字唔係我寫的，係我印阿sir D字寫的....哈哈!!)


自己係屋企自由創作畫的....桃花!

後來在IVE讀書時，參加了國畫興趣小組，學畫了以下兩幅....

軟石...

有山有水的山水畫......

但畫來畫去都係黑白色的山水畫，太悶了! 我要學的是有色彩的花鳥畫!
所以上左兩堂後冇再學....

近年又在工聯會學國畫，相中是教畫畫的阿sir.....

這是我整個course中唯一的一幅作品!!! (哈! 仲要係只完成了一半!)
依幅都算勉強見得下人，其他的太樣衰的已經掉左!!!!

唔知點解，人大了，畫畫時個腦好似實左咁! 就住就住來畫，不像以前咁有想像力...... -_-

希望今次個阿sir會好d! 希望我會俾心機學啦!

死啦! 我仲未搵返d毛筆出來準備下星期一上堂用.........都唔知掉左去邊....